【Now 財經台】市場對美國聯儲局再大手減息嘅預期降溫，金價今日(8日)已連跌第5個交易日，跌至每盎司2642美元水平，仲插穿10天線，金價會跌到咩水平？年底前再破頂嘅機會係咪愈來愈細？
信誠證券及期貨投資服務部董事蕭猷華指，聯儲局今年餘下兩次議息會議，局方似乎已為11月再大手減息0.5厘落咗閘，令市場對大手減息嘅預期急降溫，刺激金價衝上2685美元，依家衝高回返係正常，短線有機會調整至2580美元水平，呢個亦係第1個支持位。
Tony又話，如果金價跌穿2580美元水平，或進一步跌至2520美元水平，但值得留意係，美國開始減息會利好金價，所以佢認為金價年底仍好大機會破頂。
