【Now財經台】藥明康德(02359)擬發總值5億美元，2025年到期嘅可轉換債券(CB)，初步轉換價80.02元，較昨日(7日)收市價有近16%溢價，集資淨額4.94億美元，喺較大嘅稀釋效應下，對藥明康德股價有幾大影響？
華盛證券財富管理部董事李偉傑指，企業發CB一般都會有溢價，以反映對公司前景有信心，藥明康德今次發CB嘅時機拿捏得幾好，因為現時股價較1個月前已升咗近1倍，喺呢個時候發CB可以籌到更多錢。
佢又話，要留意發CB後市場有咩期望，著眼於公司集資後未來嘅發展機會，還是攤薄效應會影響每股盈利。
Jason續指，如果藥明康德想透過今次集資，用嚟拓展全球業務，就需提供更清晰嘅指引，例如邊個市場，會令市場更易接受今次發CB呢個舉動。
