【Now財經台】港股近期升到唔識停，全民皆股情景再現，資金持續湧入股市，值得留意係，據外電引述金融管理局資料顯示，港銀向金管局貼現窗借入近48億元，規模是近5年最大，係咪同全城撲水炒股有關？外資及大行近日睇好A股及港股，係咪反映外資已重新睇好兩地股市？
高富金融集團投資總監梁偉民指，當海外資金要買港股，港元需求就會增加，由於港元及拆息走強，令港股氣氛熾熱，反映港元需求仍然較大。佢又話，股市暢旺代表有大量資金湧入，對股市嚟講係好消息之餘，亦係一個良性循環。
Wyman續指，過去港股大升都係靠政策憧憬，雖然減息降準、內房取消限購等政策已出台，但呢啲政策仍未可以完全扭轉市場嘅睇法，佢認為，市場期望有更重磅嘅財政政策推出，如果短期冇相關政策出台，樂觀憧憬就會消退。
佢認為，依家經濟數據對股市嘅影響唔係最大，反而係當市場見到中央推出更多刺激經濟政策，展示救市決心，資金自然會陸續流入A股及港股。
