【Now財經台】俄烏戰事已持續逾2年，以哈衝突今日(7日)剛滿1年，地緣緊張局勢會左右資金流向，呢個係咪繼續主導金融市場嘅最大因素？投資者應該點應對？
星展銀行(香港)豐盛私人客戶執行董事鄧威信表示，中東緊張局勢不斷升級，尤其以色列跟伊朗嘅衝突持續升溫，若局勢進一步惡化，資金一定會選擇避險。
佢續指，過往地緣政局升溫時，對金融市場嘅衝擊的確比較大，但隨著市場逐步消化相關消息後，就唔會再造成太大影響，例如俄烏戰事爆發初期，環球股市急挫，但隨著市場消化相關消息後，戰事亦冇咁易引發太大震盪，股市更繼續創新高，所以投資者唔使太擔心。
