【Now財經台】截至早上11時止，1小時內《彭博》用戶搜尋量最多港股，依次為永利澳門(01128)、中芯國際(00981)、中國人壽(02628)、ERS(01821)及金沙中國(01928)。
「十一黃金周」訪澳旅客報捷，累計逾110萬人次入境，大三巴街一度實施人潮管制措施，旺丁係咪一定旺財？從追落後角度睇，賭股追上嚟係咪唔出奇？
富昌證券聯席董事譚朗蔚指，賭股最大收入來源係賭枱，唔係酒店及餐飲業，「十一黃金周」及牛市帶挈下，賭股都有炒作，股價亦有得升。賭業喺疫後逐漸回暖，賭收持續改善，但呢啲因素未必可以支持持續反彈。
Stevan又話，賭股首選係永利及美高梅中國(02282)，因為呢兩隻股份有較多催化劑，業績亦有改善，加上恢復派息，估值重估空間較大。
