【Now財經台】中央今輪救市措施帶挈「港股大時代」重臨，恒生指數今年暫時累升逾33%，跑贏美國及日本等股市，牛氣沖天，唔少分析認為，港股狂牛可以推動A股長假後復市表現，滬深兩市明日(8日)就會開盤，預期成交十分火熱。
內地方面亦嚴陣以待，據央視報道，上交所及深交所今日(7日)會做全網測試，而為咗應對復市可能出現嘅交易「塞車」情況，上交所明日起，亦會延長指定交易申報指令時間，由原來每個交易日早上9點15分至9點25分、9點30分至11點30分、下午1點至3點，調整至每個交易日9點15分至11點30分，以及下午1點至3點。
此外，發改委將會喺明日早上10點開記者會，介紹落實一攬子增量措施。
有內地著名經濟家任澤平日前估計，「A股明日開盤即收盤，可以早早下班」。
