【Now財經台】近日中東局勢升溫，美國總統拜登(Joe Biden)最新表示，正跟以色列磋商是否攻擊伊朗石油設施，國際貨幣基金組織(IMF)亦警告，若中東衝突升級，將為全球經濟構成重大風險，紐約期油昨日(3日)收市升至每桶逾73美元水平，一旦以色列真係攻擊伊朗石油設施，隨時牽連掌握全球三分之一石油出口嘅霍爾木茲海峽，亦係伊朗石油資產重鎮，負責處理全球五分之一嘅原油，高盛最新估計，伊朗危機或推高油價20美元，現時地緣局勢係咪十分嚴峻？
MAX Online亞太區業務總監杜浩霆估計，以色列反應同上次被伊朗攻擊差唔多，認為今次市場對消息反應過大，即使伊朗受攻擊，油產量都會維持一樣，以石油輸出國組織及盟友(OPEC+)現時產量係絕對可以補足，反而要留意今晚(4日)油價可能會有資產風險溢價(Risk Premium)，預期油價今晚會持續偏強。
Perry又話，短線嚟講，油價喺100天線有阻力，即76美元水平，至於可唔可以再升，就要視乎下周局勢會唔會再升溫。
