【股市脈搏】潘洪輝入股 聖諾醫藥有救？

【Now財經台】B仔股聖諾醫藥(02257)今早(4日)復牌，股價平開後，隨即向上，一度高見5元，較停牌前大升19%，成交金額逾300萬元。

集團昨日(3日)出通告，獲投資者潘洪輝入股並成最大股東，其後在開市前宣布停牌，要留意新人事會否有新作風，能加快藥物研發及商業化，否則，資金問題會更嚴重，可能隨時又要向市場「伸手」攞錢。

股價方面，聖諾股價今日未能企穩100天線，成交明顯比停牌前少，似乎消息炒作力度有限，若業績冇改善，相信都好難扭轉股價長期低迷嘅局面，要重上招股價65.9元就更加唔使諗。