【Now財經台】B仔股歌禮製藥(01672)股價今日(3日)已連升第7個交易日，高開逾11%後，好快已見咗即市高位1.46元，其後喺1.4元水平上落。
歌禮今朝開市前發通告，指戰略伙伴Sagimet Biosciences宣布，用於治療肝病嘅ASC40(地尼法司他)獲美國食品藥監局(FDA)突破性療法認定，而歌禮會在大中華區獨家授權。不過，呢款藥現時處於2至3期嘅臨床試驗，所以歌禮都警示無法保證藥物最終成功開發、銷售及商業化，所以呢隻藥係咪可以幫到歌禮搵到生意，甚至令集團可以扭虧，都係未知之數。
集團近期回購行動令股價擺脫歷史低位0.76元，若借獨家授權消息及回購可以企穩再上，下一站可以挑戰2元水奀嘅位置。
