【Now財經台】歐美加關稅問題持續困擾內地車企，歐盟將於明日(4日)進行表決，據外媒報道，已經夠票通過加關稅提案。目前，內地車企中，以比亞迪股份(01211)海外業務佔比最大，至於3大造車新勢力，其中，小鵬汽車(09868)今年喺歐洲等地展開銷售，管理層接受《彭博》訪問時指，正考慮唔同方案，包括在歐洲設廠生產，避免遭歐盟加關稅，其實小鵬走出去係咪好事？
耀才證券研究部總監植耀輝指，近年內地車企開始走出去，喺外國設廠或向外傾銷，最成功係比亞迪，集團喺海外設廠造車，而且比重唔細，小鵬其實都係行緊呢條路，而且行得幾快。
不過，Stanley補充，若同時有唔同市場，有機會令汽車設計或規格有分別，繼而加大研發開支，所以走出去有利亦又有弊，小鵬依家仲蝕緊錢，如果要走出去，會令開支增加，繼而令造車利用率受到衝擊。
