【Now財經台】騰訊控股(00700)股價今朝(3日)跟隨大市向下，一度跌3.5%，低見453.2元，但對比京東集團(09618)及阿里巴巴(09988)，騰訊算回得少。騰訊今早資金流係點？咩類型產品較受歡迎？
滙豐亞太區財富管理香港上市產品銷售經理盧貴良指，雖然騰訊股價下跌，但仍有投資者部署好倉，因為騰訊喺過去10日，喺ATM之中升幅相對落後，令投資者對CALL輪有興趣。騰訊昨日(2日)引伸波幅做53窩，美團(03690)就係90窩，所以都睇返騰訊CALL追落後。
Daniel補充，始終53窩係歷史相對高位，市面熱門條款中，行使價有500元或560元，前者今年12月到期，後者明年3月到期，引伸波幅42窩。佢又提醒，揀產品博反彈，除咗揀正股引伸波幅較低外，條款上亦可以移後啲，部署長身嘅產品。
