【now.com財經】噚日一牛一Call，諗住一隻捉即日，一隻捉多一日；結果恒指即日大步走，即日嘅當然食到，就連捉多日嘅都變成即日食埋。
呢排指數升到咁痴線，嘅朋友分成兩批，一批係因之前買落嘅貨終於見家鄉，到步就鬆綁；另一批就係見到個市到咁，已經離開股海多年但重新心動。
可能你會聽人講/喺書本上睇過：要買在最低位，同時要賣在最高位；但問題係邊個位先係高位，邊個位先至係低位？
或者比較「理合」嘅係當你再無買入/持有佢嘅理由，咁就係一個你掟貨嘅訊號；相反一樣。如果你覺得指數都升到上接近2023年高位22,700點，差唔多架啦，手上嘅貨可以減嘅，咁就減啦。
恒指今日終於見返久違了嘅紅字，作戰室今日第一注亦開出久違了嘅淡倉，依家只係開咗市11分鐘，恒指跌幅已經擴大至接近跌500點，落返去22,000點以下水平，見小時圖10線都差唔多到，呢個亦都係作戰室第一注淡倉嘅第二個目標。
以近期指數郁一郁都四五百點嘅幅度計，以往揀開300至400點距離嘅諗法要改一改，恒指熊(68313)，收回價22,788點，依家9點45分恒指報21,935點，即有853點距離，槓桿有約51.1倍。
我只係用咗4分鐘去同戰友睇兩個圖，再計一計條數，返嚟再睇返個五分鐘圖似乎已經又變咗樣，指數去到21,900點暫時見有跌定，小時圖10線壓唔壓得過都要再等多10分鐘先至有答案，既然係咁，不如比定隻恒指牛(51753)，企得到線再兜得返上去嘅話，就出呢隻啦。
今日早少少出文，希望大家睇完之後剛好10點鬆啲，會有答案。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
