【期匯決算】油價有機挑戰78美元

【Now財經台】伊朗向以色列發動導彈攻擊，國際油價10月開局即兩連升，累計自低位反彈逾4%，但持續受制於每涌72美元，近排中東局勢升溫，油價今輪升勢係咪已反映咗地緣局勢因素？

環球期貨交易所客席講師鍾俊鏘指，油價長遠仍然係視乎供應，環球經濟係咪可以轉強，當中包括內地消費係咪可以重拾動力，但短線仍受地緣政治因素影響較大，佢又估計，油價喺72美元水平阻力仍然較大。

佢又話，如果地緣局勢持續緊張，油價向上突破機會較大，有機會挑戰78美元水平。