【Now財經台】澳洲因應商品價格下跌，下調未來1年商品出口貨值預測10%至3720億澳元，澳洲主要出口鐵礦石及煤，價格今年分別累跌近15%及25%，投資者有咩要留意？
iFAST Global Markets投資總監溫鋼城指，銅價一向係商品之中有領先作用，若銅價可持續高企，唔排除之後煤及鐵礦石都可以受惠，加上市場關注美國經濟可唔可以「軟著陸」，其實依家商品價格走勢唔算太差，但需時反映。
佢又話，投資相關股份比投資商品更易處理，因股價走勢可以喺幾方面反映，雖然投資相關股份冇投資商品跟得咁貼，但變數相對大，如果想穩陣就建議揀返商品期貨。
