【Now財經台】港股持續強勢，港交所(00388)股價近日亦升得靚，暫時已連升6日，今日(2日)更破頂，一度逼近370元，成交亦好暢旺，市面上較熱門嘅CALL，部分已變成價內，睇返港交所走勢，係咪揀價外產品較值博？
中銀國際證券衍生產品部董事朱紅表示，依家大市牛氣沖天，睇返港交所CALL輪，如果配合返市況，揀較價外嘅條款會比較合適，行使價約400元，槓桿只有約5倍，明年初到期。
佢又提醒，盡量唔好揀年期太短嘅條款，因為依家大市波幅仍較大，一啲短期CALL輪嘅引伸波幅會比年期長嘅條款高，尤其是黃金周後，市況平穩後，所受嘅影響會較大。
