【now.com財經】上個星期指數升到上天，但嘢嘢都係裂口上，如同上個星期所講，喺日線圖上已經見到四個裂口，「裂口理論」已經成立；再加上高位出「陀螺」...明白市場對恒指上22,000點樓上嘅歡呼聲高嘅同時，引來減磅沽盤亦都好合理。
不過，對於用輪證，甚至用期貨嚟做Trade嘅話，不論升/跌都有工具比你做，只要個市郁就得啦。大家國慶假放完啫，但係內地A股仍然放假中，所以北水要等到下個星期先至返嚟；而如果喺呢個星期成交額都仲係咁勁嘅話，暗示咗呢一Round嘅上行唔係單靠北水，外資is coming back。
今日指數開升155點，開市報21,289點，指數重新再向熊證方向出發。開市後首五分鐘，指數已經踩到上21,680嘅高位，第一層熊證街貨全數被收回。9點50分未到連第二層熊證街貨都無埋；文都廢事追，10點未到見21,800點，作戰室好倉keep住係咁食。
10點後Slow STC(14.3)兩線都已經由開市時嘅中軸位上到90以上嘅嚴重超買位，保歷加通道口仍然拓闊中，即日再出好倉嘅話，吼指數稍回至10/20線而出恒指牛(51637)，收回價19924點，今日新出所以未見有街貨，同現價有約1,665點距離已經最貼，而(51637)亦為同一收回價中最高槓桿&最活躍。
依家10點7分，指數已經掂到21,900點，如果想出沒有打靶機制嘅恒指Call，諗住追指數上22,000點樓上嘅話，留意目前市場上恒指Call嘅行使價由21,909點之後一跳就跳到上25,000點，Pick隻低引伸、高槓桿、唔知短期嘅話，恒指Call(25985)，小注試下。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
