【Now財經台】A股連續第4日成交破萬億人仔，中資券商股今日(30日)繼續強勢，齊齊錄雙位數升幅，其中，9天相對強弱指數(RSI)升至98嘅國泰君安國際(01788)，9月初宣布以發行A股及H股嘅換股方式收購海通證券(06837)，有唔少券商指短期內會提振行業情緒，始終對上一次咁大型嘅行業併購，已經要數到2014年申銀萬國(00218)合併宏源證券，隨後A股迎來大牛市，呢個例子對今次收購又有冇參考價值？
博威環球證券金融首席聶振邦指，過去嘅消息有一定參考性，但現時都有資金陸續獲利，今日國泰君安股價亦比較波動，若繼續憧憬A股市場就要更加留意注碼，博股價升至1.6元或1.7元水平就會較穩陣。
