【Now財經台】截至早上11時止，1小時內《彭博》用戶搜尋量最多港股，依次為聯想集團(00992)、滔搏(06110)、恒隆地產(00101)、融創中國(01918)及中芯國際(00981)。
聯想股價今日(30日)逆市向下，一度挫5.4%，低見10.32元，係咪反映今次中央谷消費嘅措施，電子產品相關板塊未能直接受惠？
富昌證券聯席董事譚朗蔚指，聯想股價走勢唔差，雖然今日跑輸，但隨著人工智能個人電腦(AI PC)發展成熟，加上同英特爾(Intel)合作，唔需要太擔心聯想前景，有貨嘅投資者可以繼續持有，可以上望12元水平，只要唔跌穿9.8元，就冇太大問題。
