【小股災！】大「鷹派」石破茂爆冷勝選兼經濟或失動力 日股暴瀉逾1800點

【Now財經台】大「鷹派」石破茂爆冷贏咗選舉，將會接任日本首相，有日本經濟學家話，石破茂勝選為日本央行進一步加息掃除障礙，又話佢採取嘅經濟政策會走向更平衡嘅預算，亦會支持實現利率正常化。日本最新出爐嘅生產值向下，進一步反映當地經濟復甦可能喺今季失去動力。

受上述因素拖累，日本股市今早(30日)急瀉，日經平均指數一度低見37940點，重挫逾1880點，指數最新續於低位上落，最新報37955點，跌1873點或4.7%。