【Now財經台】截至早上11時止，過去1小時內，《彭博》用戶搜尋量最多港股，依次為新世界發展(00017)、交通銀行(03328)、農業銀行(01288)、中國銀行(03988)及海底撈(06862)。
新世界及新世界百貨(00825)今日(26日)開市前停牌，鄭志剛現時係新世界執行副主席及行政總裁，亦係新百貨主席，兩家公司今朝停牌，可能同昨日(25日)市傳嘅人事變動有關，市傳新世界現任首席營運總監馬紹祥會接任CEO，投資市場及股價會點反映呢個重大人事變動消息？
華盛證券財富管理部董事李偉傑指，公司傳出重大人事變動傳聞，股份喺呢個敏感時間停牌係合理，但實際人事變動暫時仍未知道。市傳馬紹祥接任新世界CEO，市場對佢嘅執行能力，或對股價折讓能否收窄都有正面睇法，因為市場通常對新任人選有較高期望。
