【Now財經台】茶百道(02555)股價今日(26日)已連升第9個交易日，今朝平開後，一度大升逾17%，高見8.33元，成交較過去100日同時段平均大增7倍。
內地昨晚(25日)宣布會喺國慶前向基層貧困人士「派錢」外，上海市政府亦宣布向餐飲、住宿、電影、體育領域，發放5億人仔消費券，其中，餐飲消費券佔70%，可能係餐飲股今日表現突出嘅原因。
不過，茶百道身處嘅茶飲業競爭激烈，今年4月上市後首份中期業績，純利及收入都要跌，毛利率亦因打減價戰下跌，本來已宣布派末期息，最終喺派發前3日縮沙，話要保留現金。
茶百度上市首日股價已經要「潛水」，至今仍未上返水面，當日上市價17.5元，雖然股價過去9個交易累升1倍，但現價仍低上市價逾50%，上面蟹貨重重。
