【now.com財經】噚日隻熊仔如果唔係朝早見Slow STC(14.3)落返去超賣位就食，Hold到下半場完場前走人嘅話，應該又係肥過我隻貓。都係嗰句：市捉轉向下轉角成功呢一下真係好爽，那怕只係偷到幾格。
日線圖上見指數大大支高開低走嘅陽燭插喺住喺高位，係唔開胃；但 係指數連續兩日兩個裂口向上抽高，咁升法都真係唔多「健康」，即使保歷加通道口目前仍然保持拓闊，Slow STC(14.3)仲有條件出超買再超買，確實情願願指數可以喺高定稍為喘定一下先至再上，咁樣走反而有望升勢變得更持久。
指數今日開升返173點，開市報19,302點，平時呢個U樣都會plan定出好倉追市升，但今朝選擇將隻好倉帶心中先，開市先掟隻淡倉出去皆因又見指數開市價=高位，依家只係開咗市11分鐘，指數升幅已經縮咗落去，仲一度踩到落去19,200點樓下。
第一注貨向來都係以爬格仔為主，要格仔幾多就各有各數。不過，我想等睇嘅係小時圖條10線到底穿定唔穿。
10點未到已見五分鐘圖嘅100線同小時圖嘅10線接住指數，作戰室全線反手。上完條稿即見指數一口氣衝到上接近19,500點。坦白講好耐都未試過出Swing出得咁爽。
依家10點4分，小時圖上見指數下影線踩住10線後擺返高少少個位置，係好想借10線踩多一次之後再出好倉追上，皆因Slow STC(14.3)兩線都見有轉向。
或者試下等五分鐘圖指數同10線相遇後，踩唔踩得住線再上。
恒指牛(50612)，收回價18,359點，同現價有約943點，已經係最貼價嘅牛證，槓桿有約19.3倍都盡晒力，踩得住10線先好上。
而其實今日比較傾向指數似定住喺高位行Swing...留意今日日線圖最後出唔出到「身懷六甲」啦...
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
