【Now財經台】內地昨日(24日)公布一系列重磅救市措施，其中，金融相關政策都會左右內銀股走勢，內銀股今日(25日)下晝普遍錄得逾1%至3%升幅，其中，招商銀行(03968)升幅更一度擴大，人民銀行宣布降準及減存量房貸息，對淨息差影響大唔大？
南華金融集團副總裁莫灝楠認為，淨息差一定會收窄，降準減息會令銀行可以借多啲錢出去，「放水」救經濟，但會犠牲銀行及部分金融系統嘅盈利能力，不過，市場都唔使太擔心，因為降準對內銀經營壓力及股價影響唔大，只要維持到穩定嘅資金流動，投資者毋須過分恐慌。
佢又提及，政策對銀行造成嘅影響大部分都比較負面，現時較睇好招行，因為營業槓桿高過其他銀行，加上財富管理業務做得好，股價反彈幅度會比其他內銀股大，如果想短炒係值得考慮。
