【Now財經台】愈來愈多人追求「Work-Life Balance」,加上疫情改變咗全球生活形態,新加坡及英國先後嘗試推動4天工作制,後者更發現員工離職率大跌57%,員工幸福感亦上升,不過,唔係每個國家都做到成效。
據美國CNBC報道,日本政府為咗有效縮短工時、限制加班,同埋推動更靈活嘅工作安排,近年發起「工作方式改革」運動,呼籲企業實施4天工作。
雖然日本積極推動4天工作,但效果唔理想,只得UNIQLO、Panasonic、Hitachi等少數企業願意參與,除打工仔擔心人工會因為返少咗工而縮水,更重要係受「工作狂」文化影響。有統計顯示,日本男性及女性每周工作逾60小時。
有日本學者坦言,外國巨企如微軟(Microsoft)推動4天工作都有好大困難,更何況以「工作狂」文化聞名嘅日本。