【Now財經台】新創建集團(00659) 股價今早(25日)輕微高開後，升幅一度擴大至5%，高見7.87元，成交金額逾1100萬元，較過去100日同時段平均大增8倍。
新創建去年進行系內重組，周大福企業取代新世界發展(00017)成為大股東，高層亦大執位，主席鄭家純第二仔鄭志明受重用，今年初再晉升為聯席行政總裁，隨即有多項資產優化動作，繼7月向母公司收購本地屋宇設備公司，最新又出售免稅店業務。
今日係鄭志明出任行政總裁後，集團派發嘅全年業績，集團之前已發咗盈喜，要留意業績記者會有冇更多資產優化計劃公布，同埋小股東最關心嘅派息政策。
