【Now財經台】美團(03690)發美元優先票據集資約194億元，股價今日(25日)高開逾5%後，升幅一度擴大至近6%，高見148元，升上逾1年高位。資金流方面，好淡倉已連續兩日有資金流入，似乎反映市場對美團後市看法分歧，今朝資金流入好倉較多，還是淡倉？邊類條款嘅產品較受歡迎？
中銀國際證券衍生產品部董事朱紅指，美團業績理想，加上做回購，會對股價有支持，不過，市場對美團睇法有分歧，有資金開始部署淡倉，美團熊證及PUT輪都有資金流入。若投資者繼續睇好美團可以跟隨大市升，可以考慮揀行使價150元嘅CALL輪，明年3月到期，槓桿4倍至5倍，但要留意CALL輪嘅價格較高。至於PUT輪選擇都唔少，可以考慮揀行使價110元，明年9月到期，槓桿約3倍至4倍。
