【now.com財經】恒指噚日收喺19,000點樓上，果然係75周年前夕嘅歌舞昇平，噚晚夜期繼續馬照跑、舞照跳，喺一片盛世之下，依家9點13分見期指做緊19,700點樓上；如果今日指數一開市就比個500點樓上嘅裂口出嚟，一踩返上今年高位19,706點樓上嘅話，坦白講除咗過夜好倉之外，其他嘅都唔知點玩。
但望下個牛熊證街貨圖都應該有啲答案。以噚日指數收市價擺位計，指數仍然踩住熊證街貨層嘅同時，即使下方牛證最貼價已經出到18,000點收回，但都仲同現價有成千點。比個理由我指數因咩事向下落成千點食嗰8xx張期指，都唔向上走200幾點食2xx張期指呢？
指數上到呢啲創年內新高嘅位，都真係會有部份投資者將手上嘅貨(正股尤其)先掟走。喺日線圖上今朝未開市之前已經借定5月高位嘅裂口/年內高位19,706點拉線出嚟做量度線，皆因未有任何一條平均線可以做得到。
開出嚟見指數先升591點，報19,592點，同19,600點爭8點；再同年內高位爭114點。兩個裂口喺日線圖出現之下難免令人諗起「裂口理論」；之但係呢啲位嚟出淡倉捉高位轉角，難過迪士尼加價後博轉虧為盈。
依家9點45分，恒指暫時見高開低走。今朝開市價=高位之後，膽粗粗開注淡倉出嚟。
恒指熊(51982)，痴鬼痴揀到上20,008點收回，槓桿約25.78倍純綷唔走得咁近，作戰室開咗架啦，因為平扚均線同現價有啲遠，所以都係用住啲00/50尾呢啲整口/半整口嘅點數位借住做量度線先，直至到指數同10線靠近的話，先至重新再借量度線。
作戰室食咗薩唔多100點淡倉啦，到你再睇完再睇文嘅話，又要小心指數跌完啦喎。
留意埋Slow STC(14.3)，觸底/踩線上嘅話，恒指牛(50488)，收回價18,275點已經係市場上最近嘅牛證，槓桿有約15.6倍已經係全場最高。
彈到上去年內高位嚟計，呢啲時間有錢好收啦！
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
