【Now財經台】截至早上11時止，過去1小時內《彭博》用戶搜尋量最多港股，依次為新奧能源(02688)、中國宏橋(01378)、遠洋集團(03377)、聯想集團(00992)及龍湖集團(00960)。
新奧昨日(23日)出通告，計劃動用唔超過6億元回購及買獎勵股份，新奧股價今日(24日)一度升近7%，但睇返新奧嘅回購計劃，唔少上市公司股票都唔會註銷，對股價嘅正面作用會唔會大打折扣？
大唐資本投資策略部總監盧志明指，單睇回購消息，會係短期推高股價嘅原因，但整體仍要考慮其他基本因素面，例如業績有冇上升空間，短期而言，喺資金、政策及回購配合下，對公司股價短期有幫助，但佢提醒要留意計劃並非「靈丹妙藥」。
Ken續指，50天線及53元水平係以往嘅阻力，可以留意股份能唔能夠喺國慶日前，配合資金帶動下企穩50天線，並挑戰58至60元嘅新阻力區。
