【Now財經台】地產中介貝殼美股(BEKE.US)喺噚晚(23日)喺房地產政策憧憬下，收市大升7%，貝殼(02423)港股今日(24日)承接外圍升勢，高開逾4%後，升幅一度擴大至近15%，其後升幅顯著收窄。
早前，市傳上海及北京等地樓市政策，會再優化及適時取消戶藉限制，而貝殼有逾30%交易額來自京滬，係盈利貢獻主要來源，所以任何政策鬆綁都可以視為有利因素，加上人行今日宣布下調第二套房最低房貸首付比例，又引導商業銀行將存量房貸利率下降0.5個百分點，但係咪可以推動樓市回升仍有待觀察。
「十一黃金周」將至，呢幾年「金九銀十」已經冇影，今年係咪可以借政策消息有返啲氣氛，帶動股價重上100天線仍然係未知之數，但高位有一定沽壓，加上46元水平仲有個大裂口。
