【Now財經台】心動公司(02400)股價今朝(20日)高開近7%後，升幅一度擴大至近10%，高見20.55元，成交金額逾1億元，較過去100日同時段平均增2倍。
集團主打嘅新遊戲《心動小鎮》推出逾兩個月，成績仍然唔錯，據內媒數據顯示，最近1周呢款遊戲喺iPhone遊戲暢銷榜排名維持上升趨勢。券商都睇好公司集中自研遊戲產品，可降低成本、增加效益，相信隨著相關遊戲陸續上線將會貢獻收入。
心動公司股價一直處於大型上升通道內，MACD快線已升穿慢線，釋出正面訊號，未來要留意有冇力進一步反彈至通道頂，即25元、26元水平。
