【Now財經台】人民銀行今早(20日)公布，9月1年期及5年期以上貨款市場報價利率(LPR)維持不變，美國聯儲局日前宣布大手減息，應意味全球寛鬆周期展開，點解人行反而按兵不動？
中信銀行(國際)首席經濟師卓亮指，人行同其他主要央行面對嘅情況唔同，因為其他央行前幾年要對抗高通脹，所以要較進取地加息，但今年全球主要央行開始步入減息周期，反觀人行過去幾年一直行緊寬鬆貨幣政策，減息幅度及頻率都相對溫和，期間，5年期以上LPR已減過2次，所以人行今次選擇按兵不動。
Tristan又話，雖然今年只剩返1個季度，但相信存款準備金率及LPR仍有下調空間，唔排下季降準25基點，LPR就減約10基點。
佢續指，美國已啟動減息周期，估計今年仲會減息0.5厘，中美息差將逐步收窄，會對人仔有支持，若人仔開始轉強，對人行放寬貨幣政策嘅信心會進一步加強。
