【Now財經台】美國減息後，本港銀行今日(19日)陸續宣布下調最優惠利率(Prime Rate，P)，包括滙豐銀行、中銀香港(02388)、渣打銀行及東亞銀行(00023)，減P對樓市氣氛及整體需求有幾大作用？地產股又值唔值得買？
耀才證券研究部總監植耀輝認為，今次減P或多或少可以喺心理上有提振作用，減輕置業人士負擔，又估計港息未來仍有機會跟隨美國減息步伐進一步下調。不過，樓市交投回升仍然需時，因為今次減息幅度唔算大，有意置業嘅人士仍會審慎觀望，一旦按揭利率走勢開始逆轉，準買家先會入市。
Stanley續指，今次減息對地產股有雙重利好作用，首先係減息會對未來樓價有一定支持，相信入市人數亦會增加，其次係減息可紓緩企業資金壓力，利息負擔少咗有機會令利潤提升。此外，有大行估計，樓價明年將會錄得溫和增長，但實際情況仍需視乎樓市明年能否復甦，當中仍存在變數，但整體而言，若息口持續向下，對地產股來講仍然係正面。
