【now.com財經】一個可能係史上最熱嘅中秋節已經過去，過多一個星期又有紅日假期，10月一到即係踏入第四季，隨時貶下眼又一年。
時間過得真係快，轉眼美國又再減返息，隔晚美聯儲宣布減息半厘，減息呢單嘢大家晨咁早都預咗，不過一減減半厘又係咪預期之內？銀行利息一早減定，撞正月底又有4厘新銀債接受申請，相信會吸引到更加多60歲以上嘅長者走去申請。
係咪唔係好慣減息環境？話晒都習慣咗三、四年。港股今朝開市都只係跌26點，唔知想點之下開市又紅又綠燈，好似連個市都唔習慣。
依家9點41分，指數都仲係升升跌跌中，未見走得穩定，呢頭mark住一啲位出倉，轉嗰頭嗰位就無；見無咗諗住放棄再算，佢又比返個位出嚟。兩個字：「玩死」。
小時圖上其實就一早Mark住咗條10線嘅，借住星期二高位出過嘅「高位十字星」稍為向下回落，但10線同步上行嘅情況之下，見開市首段指數成個醉酒佬咁，索性等線接唔接得住先至再決定開邊瓣。
心態上自己同自己落賭注嘅話，係比較偏向上行出好倉，主要係指數仍然靠近熊證街貨層，同步第一層熊證街貨亦都係重貨區，900幾張期指夠做架啦。
恒指牛(69690)，收回價17,270點，同現價距離弱385點，槓桿明約38.4倍。今日新上市所以無街貨，作戰室一早Plan借五分鐘圖嘅保歷加中軸出動，用返呢個位下方量度線可以；希望可以做到彿系注啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
