【Now財經台】今個星期係超級央行議息周，焦點主要落喺美國聯儲局及日本央行議息結果，美國減息已成定局，如果睇數據日央行就要加息，美元及日圓未來會點走？
資深經濟分析師羅家聰指，要用宏觀基本因素差別去睇匯價及息口變動，不過，近年央行政策都唔跟宏觀數據，以美國為例，過往就算通脹失控都會拖幾年才加息，即使日本同美國宏觀數據一致，但前者都維持零息，反映用經濟增長解釋匯價效果，已經冇以前咁理想，但長遠而言，美元同日圓走勢大致接近，美日息差及匯價走勢會一樣，引伸落去就係美國要減息，日本要加息，因為冇理由美日通脹同樣係2%，但美日卻有5厘息差，所以美元兌日圓先會跌至140水平。
不過，KC補充，若日圓可以由140水平回落至120水平，只係短時間急跌，反而由140水平去到130水平，可能係3至6個月嘅事。
