【Now財經台】金價近日連番破頂後，回落至每盎司2580美元，但繼續喺歷史高位徘徊。美國聯儲局議息結果將會喺本港時間周四(19日)凌晨出爐，市場最新估計較大機會減息0.5厘，如果真係大手減息，對金價有咩影響？大行普遍睇好金價，有分析更將金價目標價上調至3000美元，到價機會大唔大？
金銀業貿易場理事長張德熙認為，聯儲局因為擔心通脹，減息會較為保守，估計今次會減息0.5厘，今年則合共減1.5厘，甚至更小。佢又指，金價近日連番破頂，可局部反映美國減息預期，而地緣政治及貨幣貶值都令黃金需求增加。不過，張德熙提醒，若聯儲局一如預期減息，要留意金價會唔會出現調整，若調整40美元至50美元，後市反彈動力會更大。
他估計，金價今年可升至2800美元，但由於累積升幅太大，所以升至呢個水平回套壓力亦會好大，但仍要綜合各項因素，例如地緣政治及央行增持情況等，先可以判斷2800美元係咪最大壓力，如果呢個位真係最大壓力，金價未來有機會回落至2600美元，否則，好大機會見3000美元。
