【Now財經台】蘋果公司(Apple Inc.)上周五(13日)發布新產品，有「最強蘋果分析師」之稱，天風國際證券分析師郭明錤睇淡iPhone 16系列首周銷情，拖累Apple概念股持續受壓，其中，舜宇光學(02382)股價今日(17日)先跌後升，一度升1%，高見43.9元，雖然走勢好轉，但仲有冇回套風險？依家係咪適合部署淡倉？
獨立股評人黃偉豪表示，舜宇暫時仍處於所有均線以下，所以股價唔算好強，加上Apple新產品出貨量冇預期咁好，連郭明錤都係咁預測，所以對實際定單都有影響。
不過，Ravi提醒，後市要睇實際數據做部署，但暫時都睇得唔算樂觀，追淡倉方面，佢認為可以等股價見43.8元，又升唔穿44元再部署淡倉，止蝕價可以擺44.5元至45元。
