【Now財經台】早前，美國總統大選辯論舉行後，民調反映民主黨候選賀錦麗(Kamala Harris)表現好過對手特朗普(Donald Trump)，之後多家主流博彩公司都調整賠率，認為賀錦麗贏面較大，拖累特朗普旗下特朗普媒體與科技集團(Trump Media)(DJT.US)股價大冧。
特朗普喺美國時間昨日(15日)再遇上企圖行刺事件，汲取咗上次經驗，特勤人員今次及時發現，仲拘捕咗槍手。不過，事件似乎對特朗普選情冇明顯幫助，據投注網站Predictlt即時數據顯示，特朗普勝選機率47%，賀錦麗就有56%。
不過，投資者今晚(16日)都要留意美股及DJT股價，睇下再發生企圖行刺事件有咩實質影響。
