【Now財經台】截至早上11時止，1小時內《彭博》用戶搜尋量最多嘅港股，依次為華潤置地(01109)、康方生物(09926)、百威亞太(01876)、中國海外發展(00688)及美團(03690)。
由於內地消費市道未有復甦跡象，百威股價持續弱勢，但股價今日(16日)逆市向上，一度升2.4%，高見7.83元，但係咪仍不宜對後市表現抱太大期望？集團市值已縮至逾1000億元，估值吸唔吸引？
富昌證券聯席董事譚朗蔚指，百威股價弱勢唔係個別情況，而係整個食品及飲品、內需相關行業都處於弱勢，內地8月經濟數據反映零售仍未顯著復甦，所以市場愈憧憬復甦，就只會愈失望。
佢認為，由於市場對內需仍然冇信心，投資者唔好亂咁撈底，雖然市值跌到得返1000億元左右，但估值唔算平，投資者宜再觀望。
