【Now財經台】受美國颶風弗朗辛(Francine)影響，紐約期油及倫敦布蘭特期油自本周低位反彈，不過，風暴因素僅屬短暫，反而石油輸出組織(OPEC)下調今、明兩年全球石油需求預測，對油價嘅影響更大。
MAX Online亞太區業務總監杜浩霆指，油價一方面受OPEC延遲增產影響，預期下次開會前會傳出減產消息，另一方面亦要睇內地經濟，不妨留意未來一兩個月內地能源需求有冇反彈跡象。
Perry又話，留意油價未來1周可唔可以上返每桶70美元以上嘅關鍵水平，如果升唔穿70美元，可以考慮喺66美元至70美元做短線區間操作。
