【Now財經台】有美國航運業人士認為，若特朗普(Donald Trump)再度入主白宮，大幅加徵關稅，首當其衝會係航運業運費。近期由亞洲至美國西岸嘅運費，已經由高峰期8000美元，回落至約6800美元，如果美國大選結果真係會影響運費走勢，依家買航運股係咪一個好選擇，但係咪都只適宜做短線部署？揀股又要留意乜嘢？
Solomons Group投資及ESG(亞太區)總監黃耀宗指，依家距離大選仲有一段時間，所以一切都仲會有變數，反而明年更大隱憂係經濟情況會係點，放緩甚至衰退。
佢又指，睇航運股要分短線及中線，短線而言，航運股一般會喺聖誕前有炒作，但要留意11月就會獲利，運費之前扯高咗主要受地緣政局影響，但市場估計短期將會紓緩，令運費有所回落，短期想買航運股就要留意。
中線方面，黃耀宗認為，現時航運股估值已較為吸引，但揀股時要留意...
