【Now財經台】歐洲央行昨晚(13日)一如預期宣布減息，加上美國聯儲局下周減息已成定局，憧憬減息周期來臨，帶動金價昨晚再破頂，紐約期金收市報每盎司2580.6美元，不過，據《彭博》調查顯示，金價短期好大機會回落，主要受通脹回落、美國減息步伐較預期慢，以及人民銀行連續4個月未有增持黃金影響，點睇金價前景？應唔應該高追？
博威環球證券金融首席分析師聶振邦估計，金價仍會向好，因為一旦市場對美國經濟憂慮加劇，導致避險情緒升温，加上國債孳息率已扭轉倒掛嘅情況，反映喺避險情緒升温下，市場對短債嘅需求增加，因此，相信投資者亦會買入黃金避險，令黃金需求增加，估計金價短期可上望2600或2630美元水平。
