【股市脈搏】美中嘉和恐再現新一輪沽壓

【Now財經台】在內地經營腫瘤醫療機構的美中嘉和(02453)，股價今日(12日)急挫，下午一度低見17.7元，重挫近22%，收市跌幅收窄至逾17%，報18.74元。

美中嘉和日前獲納入港股通，其他獲納入港股通嘅股份普遍都有得升，但美中嘉和不升反跌之餘，沽壓更十分沉重，股價周二(10日)至今累跌逾30%。

連年蝕錢嘅美中嘉和，14天相對強弱指數(RSI)最新跌至8嘅嚴重超賣水平，要留意當H股全流通獲批，流通股數供應增加後，喺依家嘅市況下，或會再出現新一輪沽壓。