【Now財經台】美國眾議院日前通過《生物安全法》立法草案，但仍要去參議院闖關及送交總統簽署，才可成為法律，藥明系股價近日喺低位橫行，其中，藥明生物(02269)股價今早(12日)一度升逾5%，高見11.96元，多唔多投資者追好倉？較熱門嘅CALL輪及牛證，槓桿介乎2倍至3倍，係咪揀CALL會穩陣啲？
滙豐亞太區財富管理香港上市產品銷售經理盧貴良表示，藥明生物喺壞消息影響下，仍可守位10元心理關口，股價今日仲有得升，近期較多投資者部署牛證，值得留意嘅係，收回價10元嘅牛證有唔少街貨，小心供求因素會影響產品價格。
此外，佢建議想買CALL輪嘅投資者可以揀行使價15元，明年6月到期嘅條款，實際槓桿可以做到3倍。
