【Now財經台】「股神」巴菲特(Warren Buffett)旗下巴郡(Berkshire Hathaway)持續減持美國銀行(美股:BAC)，過去兩個月已減持美銀套現近72億美元，其他美國銀行股亦向下，大行對銀行股前景及收入睇法唔樂觀，係咪連巴菲特都覺得銀行股前景唔好？本港銀行股又點睇？
南華金融集團副總裁莫灝楠指，各地銀行都坐埋同一條船，因為大家業務模式都好相似，而「股神」減持嘅動作好一致，早前減持蘋果公司(Apple Inc.)等科技股，係消費主導而同經濟周期相關嘅股份，之後開始沽銀行股，因為減息周期即將開始，有可能出現經濟衰退或滯脹，反映巴菲特都睇淡經濟前景。
至於本港銀行股，其實情況都類似，息差收窄對銀行股唔係好事，所以現階段唔建議買銀行股。
