【Now財經台】日圓單日升逾1%，仲升穿埋8月初拆倉時高位，創今年新高，每百日圓兌港上返5.5算。消息面方面都幾混亂，有日本央行政策委員指，如果經濟及通脹符合預期，唔排除再加息，但亦央行官員話，下星期議息會議冇需要加息，喺你一言我一語下，係咪會令日圓走勢更Chok？
東亞銀行財富管理部高級投資策略師黃燕娥指，雖然近期不論日央行行長或官員，都有就加唔加息發表唔同言論，但個大主軸都係一旦經濟及通脹符合預期，日央行就會加息，所以要留意當地國內生產總值(GDP)及通脹數據，以判斷加息速度及幅度。不過，從經濟層面分析，今個月就冇足夠條件加息。
Angela又預期， 日圓將會逐步向上，近日已升穿8月初高位，短期可以睇137水平。
