【Now財經台】美國唔少科技股都派咗成績表，與此同時，市場開始憂慮人工智能(AI)增長開始放緩，其中，AI晶片龍頭英偉達(Nvidia)業績唔差，但市場都唔收貨，除咗Nvidia業績，AI後續發展仲有咩指標可以參考？
易方資本助理基金經理王逸研指，首先要留意一啲成熟嘅軟件公司，有冇推出同大型語言模型相關嘅新產品，以及提供軟件即服務(SaaS)，可以透過提升訂閱人數，喺短時間內增加公司營收，例如Palantir(PLTR)及ServiceNow(NOW)嘅大型語言模型，佢哋嘅真實應用會愈嚟愈多，其次係將生成式人工智能(Generative AI)改善生活及工作，例如用大型語言模式做客戶服務工作，都可以反映AI商業化進度。
