【Now財經台】一如預期，iPhone 16系列喺蘋果公司(Apple Inc.)發布會上亮相，市場普遍認為iPhone 16冇乜驚喜，但關注度仍然好高，甚至有小微貸款平台為可能出現嘅換機潮，首次推出24期免息貸款，係咪意味iPhone 16系列會引爆換機潮？
資深投資者莫家強指，由於新功能較少，估計今輪換機潮唔會太爆，不過，Apple業務簡單，股價最主要都係由服務收入及銷情帶動，因為服務收入包括iCloud及Apple Music，呢幾年都持續上升，加上Apple有壟斷優勢，所以唔會因為加價而流失用家，令Apple股價可以企得穩。佢又補充，由於iPhone 16系列冇乜新意，所以加價能力非常有限，無法推升股價。
Alex續指，雖然Apple人工智能(AI)功能Apple Intelligence係今次換機潮嘅主要推動力，但由於有網上平台亦可以用到AI，iPhone 16只係令用家用得更方便，唔算係領先技術，所以都要等AI功能正式推出後，再作定論。
