【Now財經台】截至早上11時止，1小時內《彭博》用戶搜尋量最多港股，依次為世茂集團(00813)、萬科企業(02202)、雅居樂集團(03383)、旭輝控股集團(00884)及龍湖集團(00960)。
世茂今日(10日)被剔出港股通後沽壓沉重，早市一度急瀉30%，低見0.42元，其實世茂有8%係北水持倉，而之前亦冇見過畀人沽得咁狠，點解今日沽壓咁大，係咪純粹被踢出港股通呢個因素？
富途證券首席分析師譚智樂指，以昨日(9日)收市計，世茂市值僅約20億元，8%持倉股份市值僅約1億元，加上唔排除資金原本係投機炒作，博債務重組等，所以當公司市值唔大，係好難搵到原因繼續支持投機部署，導致世茂今日被狂掟。
Arnold提醒，靠北水持倉資金流做判斷係唔準確，尤其市值已跌到好殘嘅內房股，因為持倉可以有好大變化，佢認為，內房股股價短線難有催化劑。
