【now.com財經】噚日揀咗隻恒指熊(69117)出嚟，平均買入價為0.0575元，同步Mark住如果指數喺五分鐘圖上見企住喺中軸+保歷加通道口拓闊的話，咁就要小心指數借勢抽上。
「咁即係話要符合兩個條件，隻(69117)先至立斬啦喎」係呀；「點解嘅？平時都唔係咁架？過中軸就走啦喎...」如果你都同戰友一樣，全日坐定定喺度睇市炒股嘅話，你就會知道下半場往往都係橫行悶市多，變相保歷加通道保持出現橫行嘅機會亦大，所以即使指數企到上中軸，由於無拓闊無位走之後，指數同Slow STC(14.3)上到超買水平後出觸頂向下嘅機會都大，如是者，即使指數同手上嘅貨係相反嘅，喺咁嘅情況之下都仲有機會反cup。
噚日真實版地再上演多次，喺下半場1點20分見指數企上中軸後，再到1點25分已經到保歷加頂線，5分鐘由中軸至頂線，諗到諗到通菳有幾窄。唯當時Slow STC(14.3)係未到超買。
再到1點35分，指數又重新回返落去中軸位，20分鐘之後確認穿返落去，2點5分已經去返底線，同步帶埋條Slow STC(14.3)落返去，(69117)重新見走貨門。
由2點5分至2點35見Slow STC(14.3)兩線都處於超賣位而走隻(69117)，期內高低位見過0.061元/0.059元，平均走貨價為0.06元，呢注平均執2.5格或4.17%。遲咗落場，牛證啲重貨都就嚟被阿市食晒都仲有正數，算係咁啦。
噚日咁插法，唔駛等到今日都估到啲街貨又一面倒地企喺牛證嗰邊，果然今日一開見牛證首四層街貨，每層都藏住有過千張期指喺度，正路真係向下殺落去食街貨，不過今朝開市升8點，由小時圖睇到去日線圖都係見到有觸底樣。
好明顯又係街貨 VS 技術分析嘅時間，雖然八成時間都係街貨贏，但都唔好太過盲目地轟落去，因為有啲人真係一格半格都唔坐得，坐一格都會大嗌「怎麼辦？」(其實咁樣嘅心態係完全唔適合接觸股市)
整個作戰室今朝都係淡倉Standby，不過都唔係一開閘就衝出去。依家10點21分，當然作戰室第一注淡倉已經食完，大家又齊齊正數進入吹水mode。
睇小時圖見指數目前仍然低於10線，係想借呢條線唔過嘅話出注淡倉去再食街貨，不過Slow STC(14.3)兩線觸底勢頭呈上未變嘅...
恒指熊(69294)，收回價17,500點，同現價有約356點距離，槓桿有約39倍，lock實小時圖10線先至出手，比淡倉係因為我都相信咁重牛證街貨，係吸引嘅。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
