【Now財經台】截至早上11時止，1小時內《彭博》用戶搜尋量最多港股，依次為新鴻基地產(00016)、中國海洋石油(00883)、ASMPT(00522)、華潤置地(01109)及中國石油股份(00857)。
新地已派咗全年成績表，基礎溢利跌9%至217億元，貼近市場預期下限，全年派息減少逾20%。新地股價今日(9日)逆市炒上，一度升逾3%，高見77.5元，係咪反映市場有信心新地可以捱得過今個樓市下跌周期？
富昌證券聯席董事譚朗蔚指，美國聯儲局減息前夕，市場憧憬本港可能會跟減，但其實息口對本地樓市幫助唔大，供求問題先至係主宰樓市嘅關鍵因素，現時市場對住宅、商舖、寫字樓信心仍未恢復。
Stevan續指，新地業績後股價有得升，雖然派息冇驚喜，但亦冇特別驚嚇，雖然新地股價跌後反彈，但仍唔排除會下試7月低位，上方喺80元水平會有阻力，投資者可以考慮喺股價升到80元先行沽貨離場。
